ബൂലോഗ അച്ചായന്‍

ബൂ‍ലോഗത്താകമാനം നിരവധി അച്ചായന്മാര്‍ വിലസി നടപ്പുണ്ടെങ്കിലും
ബൂലോഗ അച്ചായന്‍ എന്ന് വിശേഷണം ചേരുന്ന ഒരാളേയുള്ളൂ.
അച്ചായനെന്നാല്‍ കള്ളും പെണ്ണും വീക്കെനെസ്സുള്ള..
ഇത്തിരി ചങ്കൂറ്റം കൂടുതലുള്ള നസ്രാണിയെന്നാണ്‌ പഴമൊഴി.
ചങ്കൂറ്റം, ക്രിയേറ്റിവിറ്റി. ഇതും രണ്ടും ചേര്‍ന്നാല്‍ നമ്മുടെ ബൂലോഗ അച്ചായനായി.
കാര്യം അതിയാന്‍ എഴുതുന്നത് തറസാഹിത്യം ആണെന്നാണ്‌
ബൂലോഗത്തെ ഞാനടക്കമുള്ള സ്വയം പ്രഖ്യാപിത സാംസ്കാരിക നായകന്മാരുടെ അഭിപ്രായം.
എങ്കിലോ ഒരു ദിവസമെങ്കിലും തറത്തരങ്ങള്‍ വായിക്കാതെ കിടന്നുറങ്ങുകയുമില്ല.

അച്ചായാ, കൊച്ചായ എന്നു വിളിക്കുന്ന കുറെയവന്മാരും ഈ അച്ചായനും ചേര്‍ന്ന്ബൂലോഗ സാഹിത്യം ഇടിച്ചു നിരത്തി എന്നാണ്‌ ഒരുത്തന്റെ പരാതി.
യാഹൂ കമ്പിഗ്രൂപ്പ് കഥകളും ഓണ്‍ലൈന്‍ ഫയര്‍ മാഗസിനും ഒളിച്ചിരുന്ന്‍ വായിക്കുന്ന അതേ രസത്തില്‍ ഈ അച്ചായത്തരങ്ങള്‍ ആസ്വദിക്കുകയും പിന്നെ അതിനെവിമര്‍ശിക്കുകേം ചെയ്യും.

ഇതൊക്കെ കാണമ്പോ തോന്നിപ്പോകുവാ ബൂലോഗത്തില്‍ വേറെയാരും ഒന്നും ചെയ്യുന്നില്ലെന്ന്..
അല്ലേല്‍ തന്നെ എനിക്കെന്നാ പണി.
അതിയാന്റെ രചനകളെ കീറി മുറിച്ച് വിമര്‍ശിക്കുവാന്‍ മാത്രം യോഗ്യനാണോ ഞാന്‍..
അശ്ലീലമാണേലും, അല്ലേലും അതിയാന് നല്ല ഹിറ്റ് കിട്ടുന്നുണ്ട്.
അസൂയ കൊണ്ടെനിക്കിരിക്കാന്‍ മേലേ..
എന്നാല്‍ പിന്നെ അതിയാനെ വിമര്‍ശിച്ചെഴുതിയാല്‍ എനിക്കും കിട്ടും കുറെ ഹിറ്റ്.
ഒരു അമ്പതില്‍ ഒന്നെങ്കിലും. അത്ര തന്നെ..

കാര്യം അതിയാനും അറിയാം , നമ്മള്‍ക്കുമറിയാം.
ശരാശരി മലയാളി ഇത്രയേയുള്ളൂയെന്ന്.
അയലോക്കത്തെ അവിശുദ്ധബന്ധങ്ങള്‍ക്കുള്ള മാര്‍ക്കറ്റ് ആണവകരാറിനു കിട്ടുമോ അവോ.
"അച്ചായത്തരങ്ങള്‍ മഹാവഷള്‌..നമുക്കും കിട്ടണം കമന്റ്."

ഒരു പണിയില്ലാത്തനെപ്പോലെ ദിനവും പോസ്റ്റിടൂന്ന അച്ചായന്‍ നീണാല്‍ വാഴട്ടെ.
ഹാ ഹാ..ഹീ ഹീ..
വട്ടാണേ വട്ടാണേ..എനിക്കു വട്ടാണേ..